Եթե պատգամավորները գնան այդ քայլին, կտապալեն սահմանադրական կարգը. Սիրանուշ Սահակյան
13.02.2020«Հինգերորդ ալիք» հեռուստաընկերության «Հարցազրույցի» տաղավարում «Իրավական ուղի» ՀԿ համահիմնադիր Սիրանուշ Սահակյանը՝ խոսելով Սահմանադրական դատարանի շուրջ ստեղծված զարգացումների, հնարավոր օրենսդրական փոփոխությունների և հանրքավեի անցկացման մասին, նշել է, որ կգա ժամանակ, երբ օրենսդրական որոշ փոփոխություններից հետո, բավարար ապացույցներով կհաստատվի, որ ՀՀ-ում տեղի է ունեցել ԱԺ-ի կողմից Սահմանադրական դատարանի լիազորությունների յուրացում:
Ս. Սահակյանն ընդգծել է՝ թեև որոշակի դրույթներ կարելի է փոխել օրենքի միջոցով, այնուամենայնիվ սահմանադրական փոփոխությունները պետք է իրականացվեն հանրաքվեի ֆորմատով: ՀԿ համահիմնադիր հիշեցրել է, որ ամեն դեպքում նախագծերի սահմանադրականության հարցը որոշում է Սահմանադրական դատարանը:
Ըստ Սահակյանի՝ իշխանություններն ունեն փոքր և մեծ պլաններ այս հարցի լուծման համար, սակայն այնուամենայնիվ ՀՀ նախագահի լիազորությունների ճիշտ իրացումը, ընդդիմադիր ուժերի կողմից ցանկության դեպքում հաշվարկված ու համախմբած քայլերի հաջորդականությունը կարող են ՍԴ-ի հակաիրավական գործընթացը տապալել:
Առավել մանրամասն՝ տեսանյութում: